AQUILA Foundation Emapoderna Juventude Dili ho Lansi Ba Inisiativa Semanal Servisu Komunitaria

Table of content

inisiativa Servisu Komunitaria iha Dili

Dili, Timor-Leste – Fevereiru 17, 2024 – Fundasaun AQUILA, organizasaun naun-governamental ne’ebé kompromete atu ajuda individu sira hodi deskobre ‘Who I Am!’, ho orgullu lansa sira nia inisiativa Servisu Komunitaria iha Dili iha parceria ho Pelican Grammar School. Programa emosionante ida ne’e, ne’ebé komesa iha Fevereiru 16, sei remata ho Festival Múzika iha loron 27 fulan Jullu 2024 . Objektivu husi projeitu ida ne’e mak atu fó dezenvolvimentu abilidades esensiál, espíritu komunitária, no emponderamentu ba juventude iha Dili.

Inisiativa ne’e komesa ho serimónia abertura ne’ebé animadu iha MJFFD Comunidade Manleauna Lidun iha loron Sesta, Fevereiru 16 2023. Labarik inklui adultus liu atus ida husi komunidade Manleauna entusiazmu asiste eventu ne’e, partisipa hela iha ofertas programa nian. Eventu ida ne’e inklui demonstrasaun emosionante husi atividade sira iha futuru, aprezentasaun kulturál ne’ebé atrativu, no oportunidade interativu husi partisipantes hirak ne’ebe rejista ba eventu refere. Notavelmente, iha partisipasaun husi konvidadu importante hanesan Sr. Jacob Tilman Soares,nu’udar Xefi Suco Manleuana, Sr. Antonio de Jesus,nu’udar Xefi Aldeia Lidun Manleuana no Ir. Fransisca da Costa, Madre Superiora , husi MJFFD Komunidade Manleuana, ne’ebé aumenta signifikativamente nia valor ba eventu ho sira nia prezensa no apoiu.

Programa Servisu Komunitaria Fundasaun AQUILA oferese kalendaria husi atividade servisu komunitaria semanál ne’ebé dezenvolve atu envolve joven sira no fornese sira ho abilidades valioza. Programa sira ne’e sei lidera ho jestor experiente husi Pelican Grammar School, ne’ebé sei orienta partisipantes sira liu husi atividade semanal ne’ebé atrativa. Iha experénsia enrikesedor sira ne’ebé inklui sesaun Muzika no Dansa, sesaun Arte no dezenhu no klase ba t’in nian.

Liu husi hasa’e abilidades jovens sira nian, programa ne’e enfatiza servisu komunitaria, enkoraja partisipantes sira atu fó fila-fali ba sira nia suku lokal liu husi inisiativa projetu oioin. Ne’e fó sentidu ba responsabilidade, kompaixaun, no sidadania ativa entre juventude.

Dr. Gerard Kho, Fundadór & CEO husi Fundasaun AQUILA, hato’o sira nia vizaun ba inisiativa: “Ami konsidera katak investimentu iha juventude Dili nian, hanesan komprimisu investimentu ida ba futuru Timor-Leste nian. Programa ida ne’e fó platforma ba sira atu deskobre sira nia talentu, aprende abilidade valiozu, no kontribui pozitivamente ba sira nia komunidade. Ami hetan objetivu atu lori impaktu ida ne’e ba individu joven sira atu deskobre ‘Who I Am!’ no fo kultivasaun ba sira atu sai lider ba mudansa.”

Fundasaun AQUILA enkoraja komunidade Dili liuliu ba komunidade suku Manleuana, espesialmente joven sira, atu partisipa iha inisiativa furak ida ne’e.

Kona-ba AQUILA FOUNDATION

Fundasaun AQUILA mak organizasaun non-governamental ho baze iha Singapura ne’ebé dedika atu demokratiza edukasaun kategoria mundu nian, dezaia status quo no transforma edukasaun iha SudesteAziátiku ho esperiénsia aprendizajem únika ne’ebé prepara estudante sira iha loron hanesan ba dezafiu loron aban nian. Fundasaun AQUILA empodera estudante sira atu esplora, esperimenta sira nia-an iha sira nia jornada ba deskobre sira nia-an no afirma sira nia-an no deskobre ‘Who I Am!’. Ami ajuda estudante sira atu konekte, kolabora no kria atu deskobre sira nia objetivu hodi realiza sira nia potensia iha mundu ne’ebé fó mudansa liu. Ba informasaun seluk, vizita aquila.foundation

Discover more